ಕುಂಟಿಕಾನಮಠ ಸಂಸ್ಥೆಯಿಂದ "ಲಂಡನ್‌ ಯಕ್ಷಗಾನ ಸ್ಪರ್ಧೆ, 40 ಲಕ್ಷ ಬಹುಮಾನ!
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಭಾನುವಾರ, ಒಕ್ಟೋಬರ್ 20 , 2013
|
|
ಒಕ್ಟೋಬರ್ 20 , 2013
|
ಕುಂಟಿಕಾನಮಠ ಸಂಸ್ಥೆಯಿಂದ "ಲಂಡನ್‌ ಯಕ್ಷಗಾನ ಸ್ಪರ್ಧೆ, 40 ಲಕ್ಷ ಬಹುಮಾನ!
ಬೆಂಗಳೂರು :
ಯಕ್ಷಗಾನ ಕಲೆಯನ್ನು ಪ್ರೋತ್ಸಾಹಿಸುವ ಸಲುವಾಗಿ ಲಂಡನ್‌ ಮೂಲದ ಕುಂಟಿಕಾನಮಠ ಸಂಸ್ಥೆ, 2014ರ ಆಗಸ್ಟ್‌ನಲ್ಲಿ "ಲಂಡನ್‌ ಯಕ್ಷಗಾನ ಸ್ಪರ್ಧೆ' ಏರ್ಪಡಿಸಿದ್ದು, ವಿಜೇತ ತಂಡ ಹತ್ತು ದಿನಗಳ ಕಾಲ ಇಂಗ್ಲೆಂಡ್‌ನ‌ಲ್ಲಿ ಪ್ರದರ್ಶನ ನೀಡಲು ವೇದಿಕೆ ಕಲ್ಪಿಸಲಿದೆ.
ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಸಂಸ್ಥೆ ನಿರ್ದೇಶಕ ಕುಮಾರ್‌ ಕುಂಟಿಕಾನಮಠ, ಕರಾವಳಿ ಭಾಗದ ಜನರ ಜೀವನದ ಭಾಗವಾಗಿದ್ದ ಯಕ್ಷಗಾನ ಕಲೆ ದಿನದಿಂದ ದಿನಕ್ಕೆ ಆಸಕ್ತಿ ಕಳೆದುಕೊಳ್ಳುತ್ತಿದೆ. ಹೀಗಾಗಿ, ಯಕ್ಷಗಾನದ ವಿಶೇಷತೆಗಳನ್ನು ಪ್ರಚುರ ಪಡಿಸುವಸಲುವಾಗಿ 2014ರ ಆಗಸ್ಟ್‌ನಲ್ಲಿ ಲಂಡನ್‌ ಯಕ್ಷಗಾನ ಸ್ಪರ್ಧೆ ಏರ್ಪಡಿಸಲಾಗುತ್ತಿದೆ. ತೆಂಕು ಮತ್ತು ಬಡಗು ಎರಡು ಯಕ್ಷಗಾನ ಪ್ರಕಾರಗಳಿಗೂ ಪ್ರತ್ಯೇಕ ಸ್ಪರ್ಧೆ ನಡೆಯಲಿದೆ. 2014ರ ಆಗಸ್ಟ್‌ ತಿಂಗಳ ಮೊದಲ ವಾರದಲ್ಲಿ ಮಂಗಳೂರು ಮತ್ತು ಉಡುಪಿಯಲ್ಲಿ ಸ್ಪರ್ಧೆಗಳು ನಡೆಯಲಿದ್ದು, ಅಗಸ್ಟ್‌ ಕೊನೆ ವಾರದಲ್ಲಿ ಬೆಂಗಳೂರಿನಲ್ಲಿ ಅಂತಿಮ ಸ್ಪರ್ಧೆ ನಡೆಯಲಿದೆ ಎಂದು ವಿವರಿಸಿದರು.
2013ರ ನವೆಂಬರ್‌ನಿಂದ 2014ರ ಜನವರಿವರೆಗೆ ನಡೆಯಲಿರುವ ಸ್ಪರ್ಧೆಗೆ 1.5 ಕೋಟಿ ರೂ. ವೆಚ್ಚ ತಗುಲಲಿದ್ದು, ಆಸಕ್ತ ಯಕ್ಷಗಾನ ತಂಡಗಳ ಹೆಸರನ್ನು ನೋಂದಾಯಿಸಿಕೊಳ್ಳಲಾಗುತ್ತದೆ. ಉತ್ತಮ ಭಾಗವತ, ಮದ್ದಳೆ, ಚೆಂಡೆ, ನೃತ್ಯ, ಅಭಿನಯ, ಮಾತುಗಾರಿಕೆ, ಹಾಸ್ಯ, ಸ್ತ್ರೀವೇಷ ಕಲಾವಿದರಿಗೆ ಪ್ರತ್ಯೇಕ ಬಹುಮಾನಗಳಿರುತ್ತವೆ. ವಿಜೇತ ತಂಡಕ್ಕೆ 40 ಲಕ್ಷ ರೂ. ನಗದು ಬಹುಮಾನ ಹಾಗೂ ಹತ್ತು ದಿನಗಳ ಮಟ್ಟಿಗೆ ಇಂಗ್ಲೆಂಡ್‌ನ‌ಲ್ಲಿ ಪ್ರದರ್ಶನ ಏರ್ಪಡಿಸಲಾಗುವುದು ಎಂದರು.
ಸುಮಾರು 40ಕ್ಕೂ ಹೆಚ್ಚಿನ ತಂಡಗಳು ಭಾಗವಹಿಸುವ ನಿರೀಕ್ಷೆಯಿದೆ. ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವಂತೆ ಯಕ್ಷಗಾನ ತಂಡದ ಮುಖ್ಯಸ್ಥರಿಗೆ ಮನವಿ ಮಾಡಿಕೊಳ್ಳಲಾಗುವುದು. ಹೆಚ್ಚಿನ ಮಾಹಿತಿಗಾಗಿ ಸಂಸ್ಥೆಯ ನಿರ್ದೇಶಕ ಗಣೇಶ್‌ ಭಟ್‌,ಮೊ. 90359 13672 ಸಂಪರ್ಕಿಸಬಹುದು ಎಂದರು.
ಕೃಪೆ : http://www.udayavani.com/
|
|
|
